वैसाख ३१ उदयपुर । उदयपुरमा आजपनि थप ५० जनामा कोरोना भाइरसको संक्रमण पुष्टि भएको छ । यो संगै जिल्लामा संक्रमितको संख्या ३ सय ६१ पुगेको जिल्ला स्वास्थ्य कार्यालय उदयपुरले जनाएको छ जसमध्ये १४ महिला र ३६ पुरुष संक्रमित रहेका छन् ।
त्रियुगा नगरपालिकामा ४ जना महिला र १७ जना पुरुष गरी जम्मा २१ जनामा संक्रमण पुष्टि भएको छ । चौदण्डीगढी नगरपालिमा ३ जना महिला र ८ जना पुरुषसहित ११ जनामा संक्रमण देखिएको स्वास्थ्य कार्यालयको तथ्याङकले देखाएको छ ।
त्येसैगरी बेलका नगरपलिकामा ३ महिला र ३ पुरुष गरी ६ जनामा संक्रमण पुष्टि भएको छ भने लिम्चुङबुङ गाउँपालिकामा ४ महिला र ३ पुरुषसहित ७ जना संक्रमित भएको स्वास्थ्य कार्यालयले जनाएको छ ।
रौतामाई गाउँपालिकामा ४ जना पुरुष र उदयपुरगढी गाउँपालिकाका १ जना पुरुषमा संक्रमण देखिएको हो ।
जिल्लामा कोरोनाबाट आज कसैको पनि ज्यान गएको छैन र कोरोना जितेर निको हुनेको संख्या पनि शुन्य रहेको छ ।
स्वास्थ्य कार्यालयको तथ्याङकअनुसार हिजो सम्म जिल्लामा कोरोनाबाट ज्यान गुमाउनेको संख्या ७ र निको हुनेको संख्या ४ हरेको छ ।
यहाँ कमेन्ट गर्नुहोस्
