साउन १५ काठमाडौं___ नेकपा एकीकृत समाजवादीले केन्द्रीय सचिवालय, स्थायी कमिटी, पोलिटब्युरो र केन्द्रीय कमिटीका बैठकहरू डाकेको छ । पहिले तोकिएको मितिमा स्थगित भएका ती बैठकहरु आगामी शुक्रबारदेखि हुने बताइएको छ ।
महासचिव घनश्याम भुसालका अनुसार केन्द्रीय सचिवालय बैठक साउन १९ गते बिहान ८ बजे पुष्पलाल स्मृति प्रतिष्ठान, चम्पादेवीमा र स्थायी कमिटी बैठक २० र २१ गते बिहान ११ बजे पार्टी केन्द्रीय कार्यालयमा राखिएको छ ।
त्यसैगरी पोलिटब्युरो बैठक आगामी भदौ ३ र ४ गते बिहान ११ बजे पार्टी केन्द्रीय कार्यालयमा डाकिएको छ भने केन्द्रीय कमिटी बैठक भदौ ५, ६ र ७ गते कान्तिपुर गार्डेन ब्याङ्क्वेट, बालकुमारीमा बिहान १० बजे राखिएको जानकारी दिइएको छ ।
महासचिव भुसालका अनुसार बैठकमा रिपोर्टिङ, राजनीतिक प्रतिवेदनमाथि छलफल, समसामयिक परिस्थिति र पार्टीको कार्यभारलगायत विषयमा छलफल हुनेछ ।
यहाँ कमेन्ट गर्नुहोस्
