१५ जेठ धनकुटा । गणतन्त्र दिवसको अवसरमा शुभ कामना दिदै आज धनकुटा उद्योग बाणिज्य संघले सडक मजदुहरु तथा सर्वसाधरणहरुलाई मास्क तथा सेनिटाईजर वितरण गरेको छ ।
धनकुटामा कोरोना भाईरसको महामारी तिव्र रुपमा बढ्दै गएकाले धनकुटा उद्योग बाणिज्य संघले सडक मजदुर तथा सर्वसाधरणहरुलाई गणतन्त्र दिवसको अवसरमा शुभ कामना दिदै मास्क तथा सेनिटाईजर वितरण गरेको धनकुटा उद्योग बाणिज्य संघका अध्यक्ष विजय सन्तोषी राईले वताउनु भयो ।
धनकुटाको मदन चौकबाट मास्क तथा सेनिटाईजर वितरण गर्ने कार्यको प्रारम्भ गर्दै अस्पताल चौक,चुवाको वोट चौक लगायत बजारका विभिन्न क्षेत्रहरुमा सडक मजदुर तथा सर्वसाधरणहरुलाई वितरण गरिएको थियो ।
धनकुटा उद्योग बाणिज्य संघका अध्यक्ष विजय सन्तोषी राई, घरेलु तथा साना उद्योग महासंघ धनकुटाका अध्यक्ष राजेश्वर वहादुर श्रेष्ठ,नेपाल पत्रकार महासंघ धनकुटाका सचिव हरी लम्जेल,आदिवासी जनजाती पत्रकार महासंघ धनकुटाका अध्यक्ष सन्तवीर लामा लगायत व्यावसायीहरुको माक्स तथा सेनिटाईजर वितरण कार्यक्रममा सहभागीता रहेको थियो ।
यहाँ कमेन्ट गर्नुहोस्
