असोज १४ वीरगञ्ज ___ नेपाल पत्रकार महासंघका केन्द्रिय सचिव दिपेन्द्र चौहानले राजनीतिमा सक्रियता बढाएका छन् । नेपाली काङ्ग्रेस वीरगञ्ज महानगर कमिटीको अध्यक्षमा उम्मेदवारी घोषणा गरेका चौहानले नेता, कार्यकर्ता सँगै सञ्चारकर्मीहरुसँगको भेटघाट र छलफललाई तिव्रता दिएका छन ।
विगत ३ दशकभन्दा लामो समयदेखि पत्रकारिता क्षेत्रमा सक्रिय चौहान राजनीतिमार्फत जनताको सेवा गर्ने उद्देश्यले महानगर अध्यक्षका लागि हुने चुनावको तयारीमा जोडतोडले लागेका छन् ।
मिडिया फर वोर्डर हार्माेनी भारतका अध्यक्ष अमरेन्द्र तिवारीलाई सम्मान गर्न बुधवार रेडियो वीरगञ्जमा आयोजित एक कार्यक्रमका बिच चौहानले वीरगञ्जका सञ्चारकर्मीहरुसँग पनि छलफल गरेका छन् ।
पत्रकारिता क्षेत्रको विकासका लागि पनि राजनीतिमा हात हालेको बताउँदै चौहानले अरु पढेलेखेका, समाज बुझेका र भिजन भएका पत्रकारहरुलाई पनि परिवर्तनका लागि राजनीतिमा आउन सुझाव दिए ।
यहाँ कमेन्ट गर्नुहोस्
