साउन १८ एजेन्सी___ भारतका चर्चित गायक तथा संगीतकार अनु मलिकलाई गम्भिर आरोप लागेको छ । भारतिय मिडियाका अनुसार मलिकलाई राष्ट्र गानको धुन चोरेको आरोप लागेको हो । गायक मलिकको मेरो मुलुक मेरो देशु बोलको गीतमा इजरायलको राष्ट्र गानको धुन मिलेको बताइएको छ ।
फिल्म दिल जले मा रहेको यस गीतको धुन इजरायलको राष्ट्र गानको धुन जस्ताको त्यस्तै मिलेको भन्दै मलिकलाई चोरीको आरोप लगाइएको हो । जापानमा जारी टोकियो ओलम्पिकमा धुन बजाउने क्रममा दिल जलेको धुन मिलेपछि सामाजिक सञ्जालमा व्यापक आलोचना भएको छ ।
इजरायलको राष्ट्र गान बज्दा फिल्म दिल जलेको आवाज सुनिएपछि मलिक विवादमा आएका हुन् । फिल्म दिल जले मा अजय देवगनको मुख्य भूमिका रहेको छ । यसअघि पनि मलिक विवादमा आएर इन्डियन आइडलबाट बाहिरिएका थिए ।
यहाँ कमेन्ट गर्नुहोस्
