साउन ४ मुम्बई___ हरेक व्यक्तिलाई आफूलाई मनपर्ने कलाकारको बारेमा थाहा पाउने इच्छा हुन्छ ।उनीहरु के खान्छन्, के लगाउँछन्, कहाँ जान्छन्, कोसंग प्रेम सम्बन्ध छ र कहिले कोसंग कहाँ विवाह गर्छन् ? भन्ने बारेमा समेत जान्न चाहन्छन् ।
बलिउडमा केही त्यस्ता अभिनेत्रीहरु पनि छन्, जसले पर्दामा धेरै पटक विवाह गरे पनि वास्तविक जिन्दगीमा भने अहिलेसम्म अविवाहित नै छन् ।
कंगना रनौत
अभिनेत्री कंगना रनौत बलिउडकी सफल अभिनेत्रीहरु मध्येकी एक हुन् । ३३ वर्षीया कंगनाको प्रेम सम्बन्धको बारेमा धेरै पटक चर्चा चले पनि उनको विवाहको खबर सुन्न प्रशंसकहरु प्रतिक्षा गरिरहेका छन् । विभिन्न फिल्महरुमा धेरै पटक दुलही बनेकी कंगना वास्तविक जिन्दगीमा भने अविवाहित नै छिन् ।
आलिया भट्ट
आलिया भट्ट छिट्टै विवाह बन्धनमा बाँधिदैछिन् भनेर खबर आए पनि विवाहको मिती भने अझै निर्धारण भइसकेको छैन । रणबीर कपू्रसंग प्रेम सम्बन्ध रहेको र परिवारले पनि उक्त सम्बन्धलाई स्वीकार गर्दै विवाहको अनुमति दिए पनि अब जग्गेमा बस्न मात्र बाँकी रहेको छ । हम्टी शर्माकी दुल्हनियाँ, बद्रिनाथ की दुल्हनियाँ, स्टूडेन्ट अफ द ईयर जस्ता विभिन्न फिल्महरुमा दुलही बनिसकेकी आलिया वास्तविक जीवनमा भने अविवाहि नै छिन् ।
कियारा आडवाणी
अभिनेत्री कियारा आडवाणीले फिल्म एमएस धोनी द अनटोल्ड स्टोरीमा सुशान्त सिंह राजपूतसंग विवाह गर्दै गरेको देखिएको छ । फिल्ममा दुलही बनिसकेकी यी अभिनेत्रीको वास्तविक विवाहका लागि प्रशंसकहरुले प्रतिक्षा गरिरहेका छन् ।
कट्रिना केफ
सलमान खान, रणबीर कपूरबाहेक अहिले कट्रनिाको प्रेम सम्बन्ध विक्की कौशलका साथ रहेको चर्चा चलेको छ । कट्रिनाको विवाह तत्काल हुने कुनै लक्षण देखिँदैन, किनभने उनी विवाहको बारेमा कुरा गर्न चाहनन् । कट्रिना विभिन्न फिल्महरुमा दुलहीको भूमिकामा देखिसकेता पनि अहिलेसम्म उनी अविवाहित नै छिन् ।
कृती सेनन
फिल्म पानीपतमा कृति सेननले विवाह गर्दै गरेको दृष्य छ । वास्तविक जिन्दगीमा यी अभिनेत्री पनि अविवाहित नै छिन् । उनले कहिले विवाह गर्छिन् भन्ने चासो उनका प्रशंसकहरु माझ रहेको छ ।
जान्हवी कपूर
फिल्म धड्कनबाट बलिउडमा पाइला बढाएकी अभिनेत्री जान्हवी कपूरले उक्त फिल्ममा ईशान खट्टरसंग विवाह गर्दै गरेको देखिन्छ । जान्हवीको विवाहका लागि अहिले धेरै समय बाँकी छ । अहिले उनी आफ्नो करियरमा व्यस्त छिन् ।
भूमि पेडनेकर
दम लगा के हईशा, पति पत्नि और वो बाहेक फिल्म प्याडम्यानमा पनि भूमि पेडनेकर दुलही बनेको देखिन्छ तर वास्तविक जिन्दगीमा भने अझै अविवाहित नै छिन् । प्रशंसकहरुले छिट्टै उनको विवाहको खबर सुन्न पाउने अपेक्षा राखेका छन् ।
सोनाक्षी सिन्हा
दबंद फिल्ममा सलमान खानसंग विवाह बन्धनमा बाँधिएको देखिने सोनाक्षी सिन्हा अहिलेसम्म अविवाहित नै छिन् । उनको विवाहको खबर सुन्नका लागि प्रशंसकहरु आतुर छन् ।
यहाँ कमेन्ट गर्नुहोस्
