असाढ़ ३१ एजेन्सी___ बलिउड अभिनेत्री यामी गौतम फिल्म ‘लस्ट’मा अनुबन्धित भएकी छिन्। यस फिल्ममा यामीका साथै पंकज कपूर र राहुल खन्नालाई पनि मुख्य भूमिकामा देख्न सकिनेछ। यामीले ‘लस्ट’ फिल्म निर्माण हुने ट्विटरमार्फत जानकारी गराएकी हुन्। साथै फिल्मको सुटिङ छिट्टै शुरु हुने समेत उनले उल्लेख गरेकी छिन्।
अनिरुद्ध राय चौधरीको निर्देशन रहेको यस फिल्ममा यामी एक क्राइम रिपोर्टरको भूमिका निवार्ह गर्ने छिन्। फिल्ममा नील भूपलाम, पिया बाजपेयी र तुषार पाण्डे लगायतका कलाकारहरुको पनि भूमिका रहनेछ। फिल्मलाई जी स्टूडियो र नम: पिक्चर्सले संयुक्त रुपमा निर्माण गर्नेछन्। फिल्मको कथा श्यामल सेन गुप्ता र रितेश शाहले लेखेका छन्।
यहाँ कमेन्ट गर्नुहोस्
