असाढ़ १५ काठमाडौं __ बलिउडदेखी साउथ फिल्ममा चर्चा कमाएकी अभिनेत्री हुन् पूजा हेगडे । एकपछि अर्को फिल्ममा व्यस्त भइरहने पूजा पछिल्लो समय नयाँ फिल्ममा लिएको पारिश्रमिकका कारण चर्चामा छिन् । केही समयअघि उनले साउथ स्टार प्रभाससँग फिल्म ‘राधे श्याम’ मा अभिनय गरेर चचाएमा आएकी थिइन् । हालै उनी नयाँ फिल्म ‘बिस्ट’ मा पनि जोडिएकी छिन् ।
यस फिल्ममा उनले थलापति विजयसँग अभिनय गर्नेछिन् । यस फिल्ममा उनले चार करोड पारिश्रमिक लिएको भारतिय मिडियामा जनाइएको छ । साउथ इन्डस्ट्रीमा उनी चार करोड पारिश्रमिक बुझ्ने अभिनेत्रीमा पहिलो हुन् । विजयले भने एक फिल्मका लागि सय करोड पारिश्रमिक लिदै आइरहेका छन् । तमिल फिल्म ‘मुगमोदो’ बाट करिर शुरु गरेकी पूजाले बलिउडमा भने ‘मोहेन्जोदारो’ बाट डेब्यु गरेकी थिइन् ।
यहाँ कमेन्ट गर्नुहोस्
