०२ असार काठमाण्डौं । कोशी प्रदेशका आर्थिक मामिला तथा योजनामन्त्री राम बहादुर राना मगरले प्रदेशको बजेटमा सुशासन र सेवाप्रवाहलाई प्राथमिकतामा राखिएको बताउनुभएको छ ।
आर्थिक मामिला तथा योजना मन्त्रालयले आइतबार विराटनगरमा आयोजना गरेको बजेट व्रिफिङ कार्यक्रममा मन्त्री रानामगरले आगामी आर्थिक वर्षमा संघिय सरकारले दिने अनुदान घटेको र आन्तरिक आय स्रोत समेत घटेकाले चालू आर्थिक वर्षभन्दा करिब ४ प्रतिशत घटिको बजेट ल्याएको जानकारी दिनुभयो ।
बहुवषिर्य योजनाका कारण भौतिक पूर्वाधारमा सबैभन्दा बढी बजेट विनियोजन भएको बताउदै सुशासन र सेवाप्रवाहलाई पनि पर्यटन, कृषि, शिक्षा, स्वास्थ्य जस्तै प्राथमिकतामा नै राखिएको उहाले बताउनुभयो । उहाले आगामी आर्थिक वर्ष०८१/८२ को बजेट यथार्थमा आधारित भएकाले पूर्ण कार्यान्वयनमा जाने दावी गर्नुभयो ।
उहाले प्रदेश सांसदहरुलाई योजना छनौट गर्न दिइएको र प्रत्यक्ष तर्फका सांसदलाई १ करोड र समानुपातिक सांसदहरुले ५० लाख सम्मका योजनाहरु छुट्याइएको जानकारी दिनुभयो । आगामी आर्थिक वर्षका लागि संघीय सरकारबाट प्राप्त हुने अनुदान १० प्रतिशतले कमी भएपनि स्थानीय तहमा जाने वित्तिय हस्तान्तरणको रकम भने बढाएको उहाको भनाइ छ ।
कोशी प्रदेश सरकारले असार १ गते आगामी आर्थिक वर्ष ८१÷८२ का लागि ३५ अरब २७ करोड ९३ लाख रुपैया बराबरको बजेट ल्याएको थियो ।
यहाँ कमेन्ट गर्नुहोस्
