पौष २९ काठमाण्डौं ___ गत २४ घण्टाभित्र नेपालमा थप ३,५५३ जनामा कोरोना भाइरसको संक्रमण पुष्टि भएको छ। साेमबार १,४४६ जना थपिएका थिए। मंगलबार २,४४४ जना र बुधबार ३,०७५ जना थपिएका थिए। स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १५ हजार ८१ जनाको कोरोना परीक्षण गर्दा सो संख्यामा संक्रमित थपिएका हुन्। १० हजार ४९८ जनाको पिसिआर परीक्षण र ४ हजार ५८३ जनाको एन्टिजेन परीक्षण गरिएको थियो।
हालसम्म संक्रमितकाे संख्या पिसिआर परीक्षणबाट ८ लाख ४१ हजार २९७ र एन्टिजेन परीक्षणबाट ९९ हजार २२५ रहेकाे छ। निकाे हुनेकाे संख्या २७१ जना रहेको मन्त्रालयले जनाएको छ। हालसम्म निकाे हुनेकाे कूल संख्या ८ लाख १५ हजार ३४७ पुगेकाे छ।
संक्रमणबाट साेमबार १ जनाकाे मृत्यु भएको छ। हालसम्म मृत्यु हुनेकाे संख्या ११ हजार ६१० रहेकाे छ।नेपालमा हाल १४ हजार ३४० जना सक्रिय संक्रमित छन्। गत २४ घण्टामा ३ लाख ५६ हजार ४ खाेप लगाइएकाे छ।
यहाँ कमेन्ट गर्नुहोस्
