राकेश यादव
पौष १ रौतहट ____ रौतहट प्रहरीले नेपाली नक्कली रुपैया सहित २ जना भारतीय नागरिकलाइ पक्राउ गरेको छ । रौतहट जिल्लाको परोहा नगरपालिका ८ नरकटियाबाट प्रहरीले भारतबाट नेपालमा ल्याउदै गरेको ६९ हजार ५ सय नक्कली नोट सहित २ जनालाइ पक्राउ गरेको हो । प्रहरी चौकी मोतिपुरबाट खटी गएका टोलीले चेकजाच गर्ने क्रममा भारतबाट पैदल आउदै गरेको अवस्थामा भारत बिहार राज्य जिल्ला मोतिहारी थाना घोडासहन ग्राम श्रीपुर पंचायत कबैया बस्ने मुखलाल प्रसादको छोरा अं. बर्ष २६ को विकाश जयसवाल र ऐ.बस्ने रामेश्वर प्रसादको छोरा बर्ष ३२ को अजय प्रसादलाई पक्राउ गरेको जिल्ला प्रहरी कार्यालय रौतहटले जनाएको छ ।
पक्राउ परेका दुवै जना संग नेपाली नक्कली नोट रु १००० को दरको थान– ६९ र रु ५००– दरको थान–१ गरी जम्मा नक्कली नेपाली नोट रु ६९,५०० ( उन्नासतरी हजार पांच सय ) फेला परेकोले नियन्त्रणमा लिई खोटा मुद्रा सम्बन्धी कसूर मुद्दा दर्ता गरी सम्मानित रौतहट जिल्ला अदालतबाट म्याद थप लिई अनुसन्धान कार्य भईरहेको प्रहरी उपरीक्षक विनोद घिमिरेले जानकारी दिएका छन् ।
यहाँ कमेन्ट गर्नुहोस्
